Iatz samma fertig, des is ja unglaublich. Am Anfang hamma scho Schiß
g´habt, weil alle gsagt ham: "wos LK- Bio? - spinnts ihr?" Da muaß
ma so väi lerna! Da hams zwar recht ghabt, aber mir hammas überlebt.
Wahrscheinlich nur, weil ma imma wos zum Essn griagt ham: an Kuacha zur
Begrüßung, an Jogurt (den hamma selba gmacht), Plätzal zu
Weihnachten, Pizza beim Nel, Ferrero Küßchen zum Abitur (de uns
da Rüby weggessn hod!) und zum Abschluß nochmal Pizza beim Nel.
Damits uns ned langweilig woan is, samma imma mal wieder raus aufs Land gfahrn.
Da wamma z.B. in einer ökologischen Station irgendwo im tiefsten Rottal.
Und in Ering, da hamma Tierchen im Wasser gezählt! (Saprobienindex!)
Im Wasserwirtschaftsamt wars ziemlich heiß und im Genmobil hamma Gene
gschnitten (mit Gummihandschuhen und Schutzbrillen). An "gscheidn" Unterricht
hamma natürlich a verpaßt griagt, den uns d' Sonja mit
mütterlichem G'spür, mit zahlreichen praktischen Beispieln (sogar
ihre Kinda ham eana Spuizeig für Bio spendiern miaßn), witzigen
Folien, Filmen und Kunstwerken verklickert hod. Aba kaum hod da
Christian gscharrt, hod d´Sonja
g´sogt: "Da Christian scharrt scho - miaß ma a Pause mocha!" Und
de hamma dann aa imma gmacht und zwar jedesmal ziemlich ausgiebig. Manchmal
hods welche viara zu uns g´schickt (wo ma mim LK
- Wirtschaft gred ham) und wenns ganz schlimm war, hod´s uns
persönlich vorn abgeholt.
Was uns imma wieda b´sonders gfreid hod, war, wenns ghoaßn hod:
Iatz fang ma wieda a neie Rundn o! Im Klartext: PANIK vor der Rechenschaftsablage
- gleiche Chance für alle! (ca. 3 Runden pro Semester) Erst hamma zwar
benzt ("I hob ned lerna kinna, wei ..."), aba im Nachhinein miaß ma
scho song, daß ma so glei (wenigstens a bisserl) glernt ham und ned
erst kurz vor da Klausur bzw. vorm Abitur.
Oft hamma d´Sonja aa ganz schee mit ziemlich blöde Fragen gnervt
(Kroni: "Moi a Frage! ...") de´s aba imma recht brav beantwortet hod.
Wega Facharbeit, Klausurn und Abitur hat's extra noa Sorgntelefon eingricht,
damit a ja ois guat geht.
Abschließend kemma sogn, daß schee war, und daß uns leida
nix zum Schimpfa eifoid!!
A unbedingt empfehlenswerter Kurs für alle, die nach uns kemmand!
Ein HOCH auf den STOFFWECHSEL!